الخمول بعد الفطور

• kims_pediatrics#Repost@familymedkuwait with @repostapp
  ・・・
  دكتور عقب الفطور احس بخمووول و تعب و كسل بشكل مو طبيعي 😔 من بدينا رمضان و انا انسان ثاني 
  الاسباب كثيره بس بذكر بعضها عالسريع:
  
  ١- السبب الاول الهجوم عالاكل و ما عطيت جسمك و معدتك انذار مسبق، و الحل تفطر بثلاث تمرات و قلاص لبن و شوربه و روح خذ راحتك في الصلاة بعدها ارجع اكل باقي الفطور حتى الشبع مو لين يطلع الاكل من عينك.
  
  ٢- لا تبلع الاكل و لكن امضع الاكل و اخذ راحتك في المضغ استمتع و انت تاكل يا اخي لازم تاخذ نص ساعه و انت تاكل على الاقل.
  
  ٣- ما انصح بالنوم و الغفوة بعد الفطور و ممكن تكون هي سبب خمولكم و عدم تأقلمكم لحد الآن، العفوه تكون الظهر او العصر.
  
  ٤- الخيارات عالفطور من اهم النقاط، صحنك لازم يكون متكامل فيه بروتين لحم او دجاج او سمك، فيه كميه معقوله رز او خبز، فيه سلطه مادري ليش الناس تبتعد عن السلطه في رمضان، قللوا السكريات و المشروبات الملونه و المتروسه سكر و ابتعدوا عن قلي المقالي يا جماعه! حطوها في الفرن.
  
  ٥- النقطة الاخيره الرياضه ضروووريه في رمضان يا شباب اقل شي تسوي تروح تمشي نص ساعه قبل الفطور، لا تقول مافي وقت الكل عنده نص ساعه، الي ما عنده برنامج رياضي معرض للكسل اكثر من غيره.